බීෆ් ඩෙවල්

අවශ්‍ය ද්‍රව්‍ය

1. පොඩි කෑලි කපාගත් බීෆ් ග්‍රෑම් 500
2. තෙල් මේස හැඳි 5
3. චොප්කරගත් සුදුළූණු තේ හැඳි 2
4. චොප් කරගත් ළූණු ගෙඩියක්
5. කුරුඳු පොතු කෑල්ලක්
6. කහකුඩු තේ හැඳි 1/2
7. මිරිස්කුඩු මේස හැඳි 1
8. විනාකිරි මේස හැඳි 2
9. ලුණු
10. තුනපහ කුඩු මේස හැඳි 1
11. තක්කාලි සෝස් මේස හැඳි 4
12. ගම්මිරිස්කුඩු තේ හැඳි 1
13. වතුර කෝප්ප 2
14. කොටුවට කපාගත් තක්කාලි ගෙඩි 2
15. කොටුවට කපාගත් ළූණු ගෙඩි 2
16. සැල්දිරි ඉත්තක් 
17. කපාගත් බෙල්පෙපර් පාට 3න් ගෙඩි 1/2 බැඟින්
18. සීනි තේ හැඳි 1

• පෑන් එකට තෙල් ටික දාලා සුදුළූණු දාලා තෙම්පරාදු  කරගන්න. ටිකකින් චොප්කරගත් ළූණු, කුරුඳු පොතු, කහකුඩු හා මිරිස්කුඩු එකතු කරලා කලවම් කරන්න.
• එයට කපාගත් බීෆ් ටික දාලා හොඳට කලවම් කරගන්න. ඒ එක්කම විනාකිරි ටික දාගන්න. රස අනුව ලුණු දාගන්න. මද ගින්දරේ පිසගන්න. 
• ටිකකින් තුනපහ කුඩු, තක්කාලි සෝස්, ගම්මිරිස්කුඩු, සීනි එකතු කරන් වතුර කෝප්ප 2ත් දාලා බීෆ් ටික තැම්බෙන්න වහලා තියන්න විනාඩි 10 ක් වගේ යනකොට තැම්බිලා තියෙයි. 
• දැන් ලොකුවට කපාගත් තක්කාලි, ළූණු, බෙල්පෙපර්, සැල්දිරි ටික එකතු කරලා කලවම් කරන්න. විනාඩියක් විතර පිසගෙන ලි​පෙන් ඉවත් කරගන්න.