පෑන් කේක්

බැටර් එක සඳහා අවශ්‍ය ද්‍රව්‍ය

1. පාන්පිටි ග්‍රෑම් 300
2. ලුණු
3. බිත්තර 1
4. කහකුඩු පින්ච් එකක්

පැණි පොල් සඳහා අවශ්‍ය ද්‍රව්‍ය

1. පොල් බෑයක පොල්
2. සීනි ග්‍රෑම් 200
3. තලාගත් කරදමුංගු ඇට 4-5
4. වතුර කෝප්ප 1/2
5. ලුණු

• මේ ඔක්කොටම වතුර ටික ටික දාලා බ්ලෙන්ඩ් කරගන්න. තරමක උකු බැටර් එකක් හදාගන්න.
• පැණිපොල් එක ලැවරියා වලට වගේම හදාගන්න. 
• දැන් පෑන් එක ලිපේ තියලා බටර් ටිකක් ගාලා බැටර් එක දාලා තුනී රොටියක් දාගන්න. 
• මේක අඩු ගින්දරේ පුච්චගන්න. මොකද පෑන් කේක් හදන කොට පුච්චගන්නෙ එක පැත්තයි. අනික් පැත්ත තැම්බුනාම ඇති.
• දැන් ලිපෙන් බාලා රස්නෙ තියෙද්දි පුච්චපු නැති පැත්තෙ කෙලවරින් පැණිපොල් ටික තියලා දෙපැත්තෙන් නවාගෙ​න ලස්සනට බුරුල් වෙන්නෙ නැතිවෙන්න රෝල් කරගන්න.