බීෆ් බ්ලැක් පෙපර් ෆ්‍රයි
අවශ්‍ය ද්‍රව්‍ය
- බීෆ් ග්‍රෑම් 500
- ලුණු
- කහකුඩු තේ හැඳි 1/2
- තෙල් මේස හැඳි 2
- ඉඟුරු, සුදුළූණු පේස්ට් එක
- කපාගත් ළූණු ගෙඩි 2
- දික් අතට කපාගත් අමුමිරිස් කරල් 3
- කරපිංචා කොළ කිහිපයක්
- ගම්මිරිස්කුඩු තේ හැඳි 3
- දෙහි යුෂ මේස හැඳි 1
- කපාගත් බීෆ් වලට ලුණු හා කහකුඩු දාලා කලවම් කරලා අවම පැයක් විතර මැරිනේට් කරගන්න.
- මැරිනේට් කරගත් බීෆ් ටික භාජනයකට දාලා ගින්දර සාමාන්‍ය ගාණට දාල පියනකින් වහලා තියන්න. ටිකකින් හැඳිගාලා ආයෙ වහගන්න. වතුර තෙල් දාන්න අවශ්‍ය නෑ මස් වලින්ම උනන වතුරෙන් මේක තැම්බෙන්න අරින්න.
- විටින් විට කලවම් කර කර අඩිය අල්ලන්න නොදී බීෆ් ටික උයාගන්න.
- මස් ටික හොඳට තැම්බුනාම තෙල් ටික එකතු කරගන්න. දැන් බීෆ් ටික ලාවට දුඹුරු පාට වෙනකල් තෙම්පරාදු කරගන්න.
- ටිකකින් ඉඟුරු, සුදුළූණු පේස්ට්, ළූණු, අමුමිරිස් හා කරපිංචා ටිකත් දාගන්න. දැන් කලවම් කරන ගමන් ගම්මිරිස්කුඩු ටික දාගන්න.
- ලිපෙන් බාන්න කිට්ටුව දෙහි යුෂ ටික එකතු කරගන්න. කලවම් කරල ලිපෙන් ඉවත් කරගන්න.
No comments:
Post a Comment