යෝගට් පුඩින්

අවශ්‍ය ද්‍රව්‍ය

1. බිත්තර 4
2. මිල්ක්මේඩ් කෝප්ප 1/2
3. කරදමුංගු ඇට 2ක් කුඩු කරලා
4. යෝගට් කෝප්ප 1 1/2 (මෙශරින් කප්)

කැරමල් එකට

1. සීනි කෝප්ප 1/2
2. වතුර මේස හැඳි 4

• බිත්තර ටික කඩලා බිත්තර වල කහමදය අයිනේ ඇති ඝණ සුදුපාට කොටස ඉවත් කරන්න. බිත්තර වලට මිල්ක්මේඩ් ටික දාලා කරදමුංගු කුඩු ටිකත් දාලා හොඳට විස්ක් කරගන්න.
• යෝගට් ටික වෙනම බෝල් එකක ලාවට දියාරු වෙනකල් විස්ක් කරගන්න.
• මේ යෝගට් ටික බිත්තර මිශ්‍රණයට දාලා කලවම් කරගන්න.
• කැරමල් එක හදාගන්න වතුර නැති භාජනයක් ලිපේ තියලා සීනි ටික දාලා දුඹුරුපාට වීගෙන එනකොට වතුර ටික දාලා සීනි දියකරගෙන කැරමල් එක හදාගන්න.
• දැන් මේ කැරමල් එක පුඩින් එක හදාගන්න ට්‍රේ එකට දාගෙන ඊට උඩින් අපි හදාගත්ත පුඩින් මිශ්‍රණය දාගන්න. උඩින් ෆොයිල් කොළයකින් වහලා අවන් එකේ180°ට විනාඩි 20-30ක් බේක් කරගන්න.