මුං ඇට දෝසා (තෝසෙ)

අවශ්‍ය ද්‍රව්‍ය

1. මුංඇට කෝප්ප 1
2. උඳු ඇට මේස හැඳි 2
3. හාල්පිටි මේස හැඳි 1
4. හීල් බත් මේස හැඳි 2
5. ලුණු

තෙම්පරාදු​ව සඳහා

1. චොප්කරගත් රතුළූණු ගෙඩි 3
2. චොප්කරගත් සුදුළූණු බික් 2
3. රම්පේ
4. කරපිංචා ස්වල්පයක්
5. තෙල් මේස හැඳි 2
6. අබ ස්වල්පයක්

• මුංඇට හා උඳු ඇට රැයක් පෙඟෙන්න දාලා අරන් හීල් බතුත් දාල හොඳට බ්ලෙන්ඩ් කරගන්න. මේකට හාල්පිටි ටික දාගන්න. පැය තුනක් විතර වහල තියන්න. ඊට පස්සෙ රස අනුව ලුණු දාගන්න. වතුර ටිකක් දාලා තික් බැටර් එකක් හදාගන්න.  
• පෑන් එකට තෙල් ටිකක් දාලා රත්වෙනකොට චොප්කරගත් ළූණු හා සුදුළූණු, කරපිංචා ටික දාගන්න. හොඳට තෙම්පරාදු උනාම අබ ටිකක් දාලා පුපුරනකොට ලිප ඕෆ් කරගන්න. 
• මේ තෙම්පරාදුව ටිකක් නිවුනම බැටර් එකට එකතු කරගන්න. 
• තෝසේ හදන පෑන් එකට තෙල් ටිකක් දාලා මේ බැටර් එකෙන් හැන්දක් දාලා රවුමට තුනී කරගෙන තෝසේ හදාගන්න.